ಮೊಬೈಲ್ ಬಳಕೆದಾರರಿಗೆ ಗುಡ್ ನ್ಯೂಸ್: ಸ್ಕ್ಯಾಮರ್‌ ನಿಯಂತ್ರಣಕ್ಕೆ ‘ಟ್ರೂಕಾಲರ್ ಲೈಟ್’ ಬಿಡುಗಡೆ!

ಉದಯಕಾಲ ನ್ಯೂಸ್, ನವದೆಹಲಿ: ಕಡಿಮೆ ಸ್ಟೋರೇಜ್ ಮತ್ತು ಸೀಮಿತ ಮೆಮೊರಿ ಹೊಂದಿರುವ ಬಜೆಟ್ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಳಕೆದಾರರಿಗಾಗಿ ಜನಪ್ರಿಯ ಕಾಲರ್ ಐಡೆಂಟಿಫಿಕೇಶನ್ ಸಂಸ್ಥೆಯಾದ ಟ್ರೂಕಾಲರ್ (Truecaller) ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಹೊಚ್ಚಹೊಸ ಹಾಗೂ ಅತ್ಯಂತ ಹಗುರವಾದ ‘ಟ್ರೂಕಾಲರ್ ಲೈಟ್’ (Truecaller Lite) ಆವೃತ್ತಿಯನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಅಪರಿಚಿತ ಸಂಖ್ಯೆಗಳ ಕರೆಗಳನ್ನು ಪತ್ತೆಹಚ್ಚಲು ಮತ್ತು ಹೆಚ್ಚುತ್ತಿರುವ ಆನ್‌ಲೈನ್ ವಂಚನೆ ಹಾಗೂ ಸ್ಪ್ಯಾಮ್ ಕರೆಗಳಿಗೆ ಕಡಿವಾಣ ಹಾಕಲು ಈ ಹೊಸ ಆಪ್ ಅತ್ಯಂತಕಾರಿಯಾಗಲಿದೆ.

ಟ್ರೂಕಾಲರ್ ಲೈಟ್‌ನ ವಿಶೇಷತೆಗಳು

ಮುಖ್ಯ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಬಹುತೇಕ ಎಲ್ಲಾ ಪ್ರಮುಖ ಸುರಕ್ಷತಾ ವೈಶಿಷ್ಟ್ಯಗಳು ಈ ಲೈಟ್ ಆವೃತ್ತಿಯಲ್ಲೂ ಗ್ರಾಹಕರಿಗೆ ಸಿಗಲಿವೆ ಎಂದು ಕಂಪನಿ ಸ್ಪಷ್ಟಪಡಿಸಿದೆ. ಕೇವಲ 10 MB ಗಾತ್ರ ಹೊಂದಿರುವ ಈ ಆಪ್ 4 GB ವರೆಗಿನ ರ್ಯಾಮ್ (RAM) ಹೊಂದಿರುವ ಯಾವುದೇ ಎಂಟ್ರಿ-ಲೆವೆಲ್ ಆಂಡ್ರಾಯ್ಡ್ ಫೋನ್‌ಗಳಲ್ಲಿ ಅತ್ಯಂತ ಸುಗಮವಾಗಿ ಮತ್ತು ವೇಗವಾಗಿ ಕಾರ್ಯನಿರ್ವಹಿಸುತ್ತದೆ. ಹಳೆಯ ಆಂಡ್ರಾಯ್ಡ್ ಮಾಡೆಲ್‌ಗಳು ಅಥವಾ ಬಜೆಟ್ ಫೋನ್‌ಗಳನ್ನು ಬಳಸುವ ಗ್ರಾಹಕರು ಸ್ಟೋರೇಜ್ ಸಮಸ್ಯೆಯಿಂದಾಗಿ ಮುಖ್ಯ ಆಪ್ ಅನ್ನು ಇನ್‌ಸ್ಟಾಲ್ ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಈಗ ಈ ಲೈಟ್ ವರ್ಷನ್ ಬಂದಿರುವುದರಿಂದ ಕಡಿಮೆ ಬೆಲೆಯ ಫೋನ್ ಹೊಂದಿರುವವರೂ ಸುಲಭವಾಗಿ ರಕ್ಷಣೆ ಪಡೆಯಬಹುದು ಎಂದು ಟ್ರೂಕಾಲರ್ ಸಿಇಒ ರಿಷಿತ್ ಝುಂಜುನ್‌ವಾಲಾ ತಿಳಿಸಿದ್ದಾರೆ.

ಪ್ರಯೋಜನಗಳು

ಅಪರಿಚಿತ ನಂಬರ್‌ಗಳಿಂದ ಕರೆ ಬರುವ ಮುನ್ನವೇ ಕರೆ ಮಾಡುತ್ತಿರುವ ವ್ಯಕ್ತಿ ಯಾರು ಎಂಬುದನ್ನು ನಿಖರವಾಗಿ ಪತ್ತೆಹಚ್ಚಬಹುದು. ಸಾರ್ವಜನಿಕರಿಗೆ ತೊಂದರೆ ನೀಡುವ ಅನಗತ್ಯ ವಂಚನೆ, ಮಾರ್ಕೆಟಿಂಗ್ ಮತ್ತು ಜಾಹೀರಾತು ಕರೆಗಳನ್ನು ಸ್ವಯಂಚಾಲಿತವಾಗಿ ಬ್ಲಾಕ್ ಮಾಡುತ್ತದೆ. ಫೋನ್‌ನ ಕಾಲ್ ಹಿಸ್ಟರಿ, ಸಂಪರ್ಕ ಪಟ್ಟಿ ಮತ್ತು ಯಾವುದೇ ಹೊಸ ಅಥವಾ ಅಜ್ಞಾತ ನಂಬರ್ ಅನ್ನು ಒಳಿತುಕೊಂಡು ಸರ್ಚ್ ಮಾಡುವ ಸೌಲಭ್ಯವಿದೆ. ಇನ್‌ಕಮಿಂಗ್ ಅಥವಾ ಔಟ್‌ಗೋಯಿಂಗ್ ಕಾಲ್ ಮುಗಿದ ತಕ್ಷಣ ನೀವು ಮಾತನಾಡಿದ ವ್ಯಕ್ತಿಯ ವಿವರಗಳನ್ನು ತೋರಿಸುವ ಆಫ್ಟರ್-ಕಾಲ್ ಸ್ಕ್ರೀನ್ ವೈಶಿಷ್ಟ್ಯ ಇದರಲ್ಲಿದೆ.

ಆಪ್‌ನ ಗಾತ್ರವನ್ನು ಕೇವಲ 10 MBಗೆ ಮಿತಿಗೊಳಿಸಲು ಮೆಸೇಜಿಂಗ್ ಮತ್ತು ಚಾಟ್ ಸೌಲಭ್ಯ, ವಾಯ್ಸ್‌ಮೇಲ್ (Voicemail), ಫ್ಯಾಮಿಲಿ ಪ್ರೊಟೆಕ್ಷನ್ ಫೀಚರ್ ಹಾಗೂ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಅಸಿಸ್ಟೆಂಟ್ ನಂತಹ ಭಾರೀ ಫೀಚರ್‌ಗಳನ್ನು ಕೈಬಿಡಲಾಗಿದೆ. ಸದ್ಯ ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಉಚಿತವಾಗಿ ಲಭ್ಯವಿರುವ ಈ ಆಪ್ ಆಂಡ್ರಾಯ್ಡ್ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ.

#TruecallerLite #BudgetSmartphones #SpamCallsBlock #TechNews #TruecallerIndia #UdayakalaNews #AndroidApps #CyberSecurity #MobileTech