ಕ್ಯಾನ್ಸರ್‌ ಔಷಧಿಗಳ ಬೆಲೆ ಭಾರಿ ಕಡಿತ: ₹42 ಸಾವಿರದ ಟೊರೆಂಟ್ ಫಾರ್ಮಾ ಇಂಜೆಕ್ಷನ್ ₹13,000!

ಉದಯಕಾಲ ನ್ಯೂಸ್,ಅಹಮದಾಬಾದ್: ಕ್ಯಾನ್ಸರ್‌ ರೋಗಿಗಳಿಗೆ ಚಿಕಿತ್ಸಾ ವೆಚ್ಚದ ಹೊರೆ ತಗ್ಗಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದ ರಾಷ್ಟ್ರೀಯ ಔಷಧ ಬೆಲೆ ನಿಯಂತ್ರಣ ಪ್ರಾಧಿಕಾರ (NPPA) ಹೊರಡಿಸಿರುವ ಮಹತ್ವದ ಆದೇಶದ ಮೇರೆಗೆ, ಪ್ರಮುಖ ಔಷಧ ಸಂಸ್ಥೆ **ಟೊರೆಂಟ್ ಫಾರ್ಮಾಸ್ಯೂಟಿಕಲ್ಸ್ ಲಿಮಿಟೆಡ್ (Torrent Pharmaceuticals Ltd) ತನ್ನ ಪ್ರಮುಖ ಕ್ಯಾನ್ಸರ್ ಔಷಧಿಗಳ ಗರಿಷ್ಠ ಚಿಲ್ಲರೆ ಮಾರಾಟ ದರವನ್ನು (MRP) ಶೇ. 70ರವರೆಗೆ ಗಣನೀಯವಾಗಿ ಇಳಿಕೆ ಮಾಡಿ ಸಾರ್ವಜನಿಕ ಪ್ರಕಟಣೆ ಹೊರಡಿಸಿದೆ.ಈ ಪರಿಷ್ಕೃತ ನೂತನ ದರಗಳು ನವೆಂಬರ್ 9ರಿಂದ ದೇಶಾದ್ಯಂತ ಅಧಿಕೃತವಾಗಿ ಜಾರಿಗೆ ಬರಲಿವೆ.

ಬೆಲೆ ಇಳಿಕೆ

ಹಿಂದೆ ಮಾರುಕಟ್ಟೆಯಲ್ಲಿ ₹42,000 ಇದ್ದ ಟೊರೆಂಟ್ ಫಾರ್ಮಾದ ಪ್ರಮುಖ ಕ್ಯಾನ್ಸರ್ ಇಂಜೆಕ್ಷನ್ ಬೆಲೆಯು ಈಗ ಭಾರಿ ಕಡಿತಗೊಂಡು ಕೇವಲ ₹13,000ಕ್ಕೆ ಲಭ್ಯವಾಗಲಿದೆ.ಟ್ರೇಡ್ ಮಾರ್ಜಿನ್ ಕ್ಯಾಪಿಂಗ್ ಔಷಧ ಮಾರಾಟ ಜಾಲದಲ್ಲಿ ವಿಪರೀತ ಲಾಭದ ಅಂತರವಿರುವುದನ್ನು ತಪ್ಪಿಸಲು ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವಾಲಯದ ಅಧೀನದ ಎನ್‌ಪಿಪಿಎ, ವ್ಯಾಪಾರ ಲಾಭಾಂಶಕ್ಕೆ ಗರಿಷ್ಠ ಶೇ. 30ರ ಮಿತಿ ವಿಧಿಸಿದೆ.
ಈ ನಿಯಮದಡಿ ಸಂಸ್ಥೆಯು ತನ್ನ ಉತ್ಪಾದನೆಯ ಜೀವರಕ್ಷಕ ಕ್ಯಾನ್ಸರ್ ಇಂಜೆಕ್ಷನ್‌ಗಳು, ಮಾತ್ರೆಗಳು ಹಾಗೂ ಕ್ಯಾಪ್ಸೂಲ್‌ಗಳ ದರವನ್ನು ಭಾರಿ ಪ್ರಮಾಣದಲ್ಲಿ ತಗ್ಗಿಸಿದೆ.

ರೋಗಿಗಳಿಗೆ ಲಾಭ

ಈ ದರ ಕಡಿತದ ಸಂಪೂರ್ಣ ಲಾಭವನ್ನು ನೇರವಾಗಿ ಗ್ರಾಹಕರಿಗೆ ತಲುಪಿಸಬೇಕು ಎಂದು ಸಂಸ್ಥೆಯು ಎಲ್ಲಾ ಸಗಟು ವ್ಯಾಪಾರಿಗಳು, ಚಿಲ್ಲರೆ ಮಾರಾಟಗಾರರು, ಆಸ್ಪತ್ರೆಗಳು ಹಾಗೂ ವೈದ್ಯಕೀಯ ಸಂಸ್ಥೆಗಳಿಗೆ ಸೂಚಿಸಿದೆ. ನವೆಂಬರ್ 9ರಿಂದ ಜಾರಿಗೆ ಬರುವಂತೆ, ಔಷಧಿಯ ಪ್ಯಾಕ್ ಮೇಲೆ ಮುದ್ರಿಸಲಾದ ಹಳೆಯ ದರ ಅಥವಾ ಪರಿಷ್ಕೃತ ನೂತನ ದರ— ಇವೆರಡರಲ್ಲಿ ಯಾವುದು ಕಡಿಮೆಯೋ ಅದೇ ಕಡಿಮೆ ದರವನ್ನು ಮಾತ್ರ ಗ್ರಾಹಕರಿಂದ ಪಡೆಯಬೇಕಾಗುತ್ತದೆ. ದುಬಾರಿ ಕ್ಯಾನ್ಸರ್ ಚಿಕಿತ್ಸೆಯಿಂದ ಕಂಗಾಲಾಗಿರುವ ಲಕ್ಷಾಂತರ ರೋಗಿಗಳಿಗೆ ಹಾಗೂ ಅವರ ಕುಟುಂಬಗಳಿಗೆ ಈ ನಿರ್ಧಾರವು ದೊಡ್ಡ ಆರ್ಥಿಕ ನೆಮ್ಮದಿ ನೀಡಲಿದೆ.

#CancerDrugsPriceCut #NPPA #TorrentPharma #HealthNews #UdayakalaNews #MedicalUpdate #CentralGovt #CancerTreatment #AffordableHealthcare