ರಕ್ತನಾಳದಲ್ಲಿ ರಕ್ತ ಹೆಪ್ಪುಗಟ್ಟಿ ಹೃದಯಾಘಾತವಾದ ಕಾರಣ ನಟ ನಾನಾ ಪಾಟೇಕರ್‌ ನಿಧನ!

ಉದಯಕಾಲ ನ್ಯೂಸ್, ಗೋವಾ : ಬಾಲಿವುಡ್‌ನ ಹಿರಿಯ ನಟ ನಾನಾ ಪಾಟೇಕರ್ (Nana Patekar) ಹೃದಯಾಘಾತದಿಂದ ಮೃತಪಟ್ಟಿದ್ದು ಇದು ಸಹಜ ಸಾವು ಎಂದು ಮರಣೋತ್ತರ ಪರೀಕ್ಷೆಯ ವರದಿ ದೃಢಪಡಿಸಿದೆ.

ಸಾಮಾನ್ಯವಾಗಿ ಮಾನವನ ದೇಹದಲ್ಲಿ ರಕ್ತವನ್ನು ಸರಬರಾಜು ಮಾಡುವ ಅಪಧಮನಿಗಳಲ್ಲಿ (Arteries) ಕೊಬ್ಬಿನ ಪದಾರ್ಥಗಳು ಮತ್ತು ಮಲಿನ ಅಂಶಗಳು ವಿಪರೀತವಾಗಿ ಶೇಖರಣೆಯಾಗುವುದರಿಂದ, ರಕ್ತನಾಳಗಳು ಕಿರಿದಾಗುವ ಅಥವಾ ಸಂಪೂರ್ಣವಾಗಿ ಮುಚ್ಚಿಹೋಗುವ ಗಂಭೀರ ಆರೋಗ್ಯ ಸಮಸ್ಯೆಯ ಹಿನ್ನೆಲೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ಹಲವು ಅನಿರೀಕ್ಷಿತ ಸಾವುಗಳು ಸಂಭವಿಸುತ್ತಿವೆ. ವೈದ್ಯಕೀಯ ಭಾಷೆಯಲ್ಲಿ ಇದನ್ನು ‘ಅಥೆರೋಸ್ಕ್ಲೆರೋಸಿಸ್’ (Atherosclerosis) ಅಥವಾ ಹೃದಯ ರಕ್ತನಾಳದ ಕಾಯಿಲೆ ಎಂದು ಕರೆಯಲಾಗುತ್ತದೆ. ಇಂತಹ ಪ್ರಕರಣದಲ್ಲಿ ಖ್ಯಾತ ನಟ ಪದ್ಮಶ್ರೀ ನಾನಾ ಪಾಟೇಕರ್ ಹೃದಯಾಘಾತಕ್ಕೆ ಒಳಗಾಗಿ ಮರಣ ಹೊಂದಿದ್ದಾರೆ.

ಸಹಜ ಸಾವು ಎಂದು ವರದಿಯಾಗಲು ಕಾರಣ!
ಅಕ್ಟೋಬರ್ 8ರಂದು ತಮ್ಮ ನಿವಾಸದಲ್ಲಿ ಮುಂಜಾನೆ 5:10ಕ್ಕೆ ನಾನಾ ಪಾಟೇಕರ್ ಮರಣ ಹೊಂದಿದ್ದರು.ನಂತರ ಪಣಜಿ ಪೊಲೀಸರು ಅಸಹಜ ಸಾವು ಅಂತ ಕೇಸ್ ದಾಖಲಿಸಿಕೊಂಡಿದ್ದರು. ಇದೀಗ, ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಹೃದಯದ ಎಡ ಮುಖ್ಯ ಕೊರೊನರಿ ಧಮನಿಯಲ್ಲಿ ರಕ್ತ ಹೆಪ್ಪುಗಟ್ಟುವಿಕೆಯಿಂದ ತೀವ್ರ ಹೃದಯ ಸ್ನಾಯುವಿನ ಸಾವು ಸಂಭವಿಸಿದೆ ಎಂದು ಉಲ್ಲೇಖಿಸಿದ್ದು ಸಹಜ ಸಾವು ಎಂದು ಮರು ದಾಖಲು ಮಾಡಲಾಗಿದೆ.

ವ್ಯಕ್ತಿಯು ಯಾವುದೇ ಪೂರ್ವಭಾವಿ ದೀರ್ಘಕಾಲಿಕ ಕಾಯಿಲೆಗಳಿಂದ ಬಳಲದಿದ್ದರೂ, ಹೃದಯದ ರಕ್ತನಾಳಗಳು ಸಂಪೂರ್ಣವಾಗಿ ಬ್ಲಾಕ್ ಆಗಿ (Blockage) ಕ್ಷಣಾರ್ಧದಲ್ಲಿ ಪ್ರಾಣಹಾನಿ ಸಂಭವಿಸಿದಾಗ, ಇದನ್ನು ಕಾನೂನು ಹಾಗೂ ವೈದ್ಯಕೀಯ ದಾಖಲೆಗಳಲ್ಲಿ ಮರಣೋತ್ತರ ಪರೀಕ್ಷೆಯ ಆಧಾರದ ಮೇರೆಗೆ ಹೃದಯ ಸ್ತಂಭನದಿಂದ ಸಂಭವಿಸಿದ ಸಹಜ ಸಾವು ಎಂದು ವರ್ಗೀಕರಿಸಲಾಗುತ್ತದೆ. ಇಂದಿನ ಧಾವಂತದ ಜೀವನದಲ್ಲಿ ಯುವ ಜನತೆಯೂ ಸಹ ಈ ರಕ್ತನಾಳದ ಸಮಸ್ಯೆಗಳಿಗೆ ಬಲಿಯಾಗುತ್ತಿದ್ದು, ಕಾಲಕಾಲಕ್ಕೆ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವುದು ಹಾಗೂ ಆರೋಗ್ಯಕರ ಜೀವನಶೈಲಿಯನ್ನು ರೂಢಿಸಿಕೊಳ್ಳುವುದು ಅತ್ಯಗತ್ಯ ಎಂದು ವೈದ್ಯರು ಸಲಹೆ ನೀಡಿದ್ದಾರೆ.

#Padmashree Nana Patekar # Bollywood #HealthNews #HeartAttack #Atherosclerosis #BloodVessels #NaturalDeath #MedicalReport #KarnatakaNews #UdayakalaNews