ಪಾಕಿಸ್ತಾನದಲ್ಲಿ ಪ್ರಯಾಣಿಕ ರೈಲು ಹೈಜಾಕ್: ಬಂಡುಕೋರರ ಹಿಡಿತದಲ್ಲಿ 400 ಪ್ರಯಾಣಿಕರು

ಆಘಾತಕಾರಿ ಬೆಳವಣಿಗೆಯೊಂದರಲ್ಲಿ ಬಂಡುಕೋರರು ಪ್ರಯಾಣಿಕ ರೈಲನ್ನು ಹೈಜಾಕ್ ಮಾಡಿ ನೂರಾರು ಪ್ರಯಾಣಿಕರನ್ನು ಒತ್ತೆಯಾಳನ್ನಾಗಿ ಮಾಡಿಕೊಂಡಿರುವ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ.

ಬಲೂಚಿಸ್ತಾನವನ್ನು ಪಾಕಿಸ್ತಾನದಿಂದ ಬೇರ್ಪಡಿಸಿ ಪ್ರತ್ಯೇಕ ರಾಷ್ಟ್ರವಾಗಿ ಘೋಷಿಸುವಂತೆ ಆಗ್ರಹಿಸಿ ಬಲೂಚಿಸ್ತಾನ ಲಿಬರಲ್ ಆರ್ಮಿ [ಬಿಎಲ್ ಎ] ರೈಲನ್ನು ಹೈಜಾಕ್ ಮಾಡಿದ್ದು, ಪಾಕಿಸ್ತಾನ ಸೇನೆಯ 6 ಮಂದಿಯನ್ನು ಹತ್ಯೆಗೈಯ್ಯಲಾಗಿದ್ದು, 400ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಒತ್ತೆಯಾಳನ್ನಾಗಿ ಇರಿಸಿಕೊಂಡಿದೆ.

ಪಾಕಿಸ್ತಾನದ ಬಲೂಚಿಸ್ತಾನದ ಕೆಟ್ಟಾದಿಂದ ಪೇಶಾವರದ ಖೈಬರ್ ಪಕ್ತುಕ್ವಾಗೆ ತೆರಳುತ್ತಿದ್ದ ಜಾಫರ್ ಎಕ್ಸ್ ಪ್ರೆಸ್ ರೈಲನ್ನು ಅಪಹರಿಸಲಾಗಿದೆ. ಪಾಕಿಸ್ತಾನ ಸೇನೆ ಕಾರ್ಯಾಚರಣೆ ಆರಂಭಿಸಿದರೆ ಪ್ರಯಾಣಿಕರನ್ನು ಕೊಲ್ಲುವುದಾಗಿ ಬಲೂಚಿಸ್ತನ ಲಿಬರಲ್ ಆರ್ಮಿ ಪ್ರಕರಣೆಯಲ್ಲಿ ಎಚ್ಚರಿಸಿದೆ.

ರೈಲು ಹಳಿಗಳನ್ನು ಸ್ಫೋಟಿಸುವ ಮೂಲಕ ರೈಲನ್ನು ತಡೆದು ನಿಲ್ಲಿಸಿದ ಬಂಡುಕೋರರು ನಂತರ ಬಲೂಚಿಸ್ತಾನದ ಬಾಲೂ ಜಿಲ್ಲೆಯ ಮುಷ್ತಾಕ್ ಎಂಬಲ್ಲಿ ರೈಲನ್ನು ಕೊಂಡೊಯ್ದಿದ್ದಾರೆ. ರೈಲು ಅಪಹರಿಸಿದ ಜಾಗಕ್ಕೆ ಪಾಕಿಸ್ತಾನ ಹಿರಿಯ ಸೇನಾಧಿಕಾರಿಗಳು ಆಗಮಿಸಿದ್ದಾರೆ.