ಲೌಕಿಕ ಬದುಕಿನೆಡೆಗೆ ನೋಡದ ನಾಗಾಸಾಧುಗಳು

ಭಾರತದಲ್ಲಿ ನಡೆಯುತ್ತಿರುವ ಕುಂಭಮೇಳದಲ್ಲಿ ದೇಶದ ಮೂಲೆ ಮೂಲೆಗಳಿಂದ ಮಾತ್ರವಲ್ಲ, ವಿದೇಶಗಳಿಂದಲೂ ಭಕ್ತರು, ಸಾಧು, ಸಂತರು ಬರುತ್ತಿzರೆ. ಇಡೀ ಕುಂಭಮೇಳದ ಪ್ರಮುಖ ಆಕರ್ಷಣೆ ನಾಗಾಸಾಧುಗಳು. ಲೌಕಿಕ ಬದುಕಿನ ಕಡೆಗೆ ಕಿರುಗಣ್ಣು ಎತ್ತಿಯೂ ನೋಡದೆ, ಅಲೌಕಿಕ ಸಾಧನೆಯಲ್ಲಿ ಮುಳುಗೇಳುವ ಈ ನಾಗಸಾಧುಗಳು ಯಾರು? ನಾಗಸಾಧುಗಳು ಬೇರೆ ಸಾಧು ಸನ್ಯಾಸಿಗಳಿಗಿಂತ ಹೇಗೆ ಭಿನ್ನವಾಗಿರ್ತಾರೆ? ಅತ್ಯಂತ ಕಠಿಣ ಸಾಧನೆಗಳಲ್ಲಿ ಜೀವನ ಸಾಗಿಸುವ ನಾಗಾಸಾಧುಗಳು ಕುಂಭಮೇಳದ ವೇಳೆಗೆ ಮಾತ್ರ ಅದೆಲ್ಲಿಂದ ಪ್ರತ್ಯPರಾಗುತ್ತಾರೆ ಎಂಬುದರ ಪ್ರಶ್ನೆಗೆ ಉತ್ತರ ಹುಡುಕುತ್ತಾ ಹೋದರೆ ಅನೇಕ ಸಂಗತಿಗಳು ಗೊತ್ತಾಗುತ್ತವೆ…

ಕುಂಭಮೇಳವಿರುವಾಗ ಪ್ರತ್ಯPರಾಗುತ್ತಾರೆ ನಾಗಾಸಾಧುಗಳು. ನಾಗಾ ಎನ್ನುವ ಪದಕ್ಕೆ ಸಂಸ್ಕೃತದಲ್ಲಿ ಪರ್ವತ ಎಂದು ಅರ್ಥ. ಚಲಿಸದೆ, ಒಂದೇ ಸ್ಥಳದಲ್ಲಿ ಸ್ಥಿರವಾಗಿರುವರು, ದೃಢವಾದ ಶಕ್ತಿಯ ಸಂಕೇತದವರು. ಎಂದಿಗೂ ನುಣುಚಿಕೊಳ್ಳುವುದಿಲ್ಲ, ಕದಲುವುದಿಲ್ಲ. ಅಂತಹ ಸಿದ್ಧಾಂತ ಹೊಂದಿರುವ ವ್ಯಕ್ತಿಯನ್ನು ನಾಗಾ ಎಂದು ಕರೆಯಲಾಗುತ್ತದೆ. ಶಂಕರಾಚಾರ್ಯರು ನಾಲ್ಕು ಮಠ ಸ್ಥಾಪಿಸಿದ ನಂತರ ಅವರ ಭದ್ರತೆಯ ಬಗ್ಗೆ ಕಾಳಜಿ ವಹಿಸಿದರು. ಅವರು ನಿರ್ಭೀತಿ ಹಾಗೂ ಲೌಕಿಕ ವ್ಯವಹಾರಗಳಿಂದ ಬೇರ್ಪಟ್ಟ ಗುಂಪನ್ನು ರಚಿಸಿದರು.

ಈ ಗುಂಪು ಕ್ರಮೇಣವಾಗಿ ನಾಗಾಸಾಧುಗಳ ರೂಪ ಪಡೆಯಿತು. ನಾಗಾಸಾಧುಗಳಾಗುವುದು ಸ್ವತಃ ಒಂದು ಸವಾಲಿನ ಆಧ್ಯಾತ್ಮಿಕ ಪ್ರಯಾಣ. ಇತರೆ ಸಾಧುಗಳಿಗಿಂತ ಭಿನ್ನವಾಗಿ, ನಾಗಾಸಾಧುಗಳು ಹಠಯೋಗ ಅಭ್ಯಾಸ ಮಾಡುತ್ತಾರೆ. ವಾಸ್ತವವಾಗಿ, ಆದಿ ಗುರು ಶಂಕರಾಚಾರ್ಯರು ಪವಿತ್ರ ಧಾರ್ಮಿಕ ಸ್ಥಳಗಳು ಮತ್ತು ಧಾರ್ಮಿಕ ಗ್ರಂಥಗಳನ್ನು ಬಾಹ್ಯದಾಳಿಗಳಿಂದ ರಕ್ಷಿಸುವ ಜವಾಬ್ದಾರಿಯನ್ನು ನಾಗಾಯೋಧರಿಗೆ ವಹಿಸಿದ್ದರು. ಆದಿ ಗುರು ಶಂಕರಾಚಾರ್ಯರು ಇಡೀ ಭಾರತಕ್ಕೆ ಈ ಸಂದೇಶ ನೀಡಲು ಬಯಸಿದ್ದರು. ಧರ್ಮ ರಕ್ಷಿಸಲು, ಒಂದು ಕೈಯಲ್ಲಿ ಶಾಸ್ತ್ರ ಮತ್ತು ಇನ್ನೊಂದು ಕೈಯಲ್ಲಿ ಆಯುಧ ಇರುವುದು ಅವಶ್ಯಕ. ಈ ಸಂದೇಶವನ್ನು ದೇಶದ ಮೂಲೆ ಮೂಲೆಗೂ ಹರಡಲು, ನಾಗಾ ಸಾಧುಗಳನ್ನು ಕಳುಹಿಸಲಾಯಿತು.

ನಾಗಾ ಸಾಧುಗಳ ಉಖ ಇತಿಹಾಸದ ದಾಖಲೆ ಹಿಡಿಯುತ್ತಾ ಹೋದರೆ, ಹರಪ್ಪಾ ಮೆಹೆಂಜದಾರೋ ನಾಗರಿಕತೆವರೆಗೂ ತಲುಪುತ್ತದೆ. ಆ ಕಾಲದ ನಾಣ್ಯಗಳಲ್ಲಿ ಹರಪ್ಪಾ ಜನರ ಆರಾಧ್ಯ ದೈವವಾಗಿದ್ದ ಶಿವನ ರೂಪವೆಂದು ಪ್ರತಿಪಾದಿಸುವ ಪಶುಪತಿನಾಥನ ಆರಾಧನೆಯಲ್ಲಿ ತೊಡಗಿರುವ ನಾಗಸಾಧುಗಳ ಚಿತ್ರಗಳು ದೊರೆತಿವೆ. ಆ ಕಾಲದಿಂದಲೂ ಶಿವನ ಧ್ಯಾನದಲ್ಲಿ ತೊಡಗಿದ್ದ ಪರಂಪರೆ ನಾಗಾಸಾಧುಗಳದ್ದು. ಮೊಘಲ್ ಚಕ್ರವರ್ತಿ ಔರಂಗಜೇಬನ ಕಾಲದಲ್ಲಿ ಉತ್ತರ ಭಾರತದ ಶಿವ ದೇಗುಲಗಳ ಮೇಲೆ ದಾಳಿಗಳು ನಡೆದಾಗ ನೂರಾರು ದೇವಸ್ಥಾನಗಳನ್ನು ಮೊಘಲ್ ದಾಳಿಯಿಂದ ರಕ್ಷಿಸಿದ್ದು ಕೂಡಾ ಇದೇ ನಾಗಾಸಾಧುಗಳ ಸೇನೆ ಎಂಬ ಉಖವಿದೆ. ಭಾರತದಲ್ಲಿ ೫ ಲPಕ್ಕೂ ಹೆಚ್ಚು ನಾಗಾಸಾಧುಗಳಿzರೆ ಎಂದು ಹೇಳಲಾಗುತ್ತದೆ.

ನಾಗಾಸಾಧುಗಳಾಗಲು ತಯಾರಿ

ನಾಗಾಸಾಧುಗಳಾಗಲು ಮುಖ್ಯವಾಗಿ ಮನೋಸ್ಥೈರ್ಯ ಇರಬೇಕಾಗುತ್ತದೆ. ಕುಟುಂಬ, ಸಮಾಜ, ವೈಯಕ್ತಿಕ ಬದುಕನ್ನೇ ಬಿಟ್ಟು ಸನಾತನ ಧರ್ಮಕ್ಕಾಗಿ ಧರ್ಮ ಸಂರPಣೆಗಾಗಿ ಪ್ರಾಣ ನೀಡುವ ಹಂತಕ್ಕೂ ಸಿದ್ಧವಿರುವಂತಹವರು, ಕಠಿಣ ಅಭ್ಯಾಸ ಮಾಡಿದವರು, ಅಲೌಕಿಕ ಬದುಕಿಗೆ ಸಿದ್ಧವಿರುವರು ಮಾತ್ರ ನಾಗಾಸಾಧುಗಳಾಗಲು ಸಾಧ್ಯ. ನಾಗಾಸಾಧು ಆಗುವ ಪ್ರಕ್ರಿಯೆ ತುಂಬಾ ಕಷ್ಟಕರ ಮತ್ತು ದೀರ್ಘ. ನಾಗಾಸಾಧು ಆಗುವ ಪ್ರಕ್ರಿಯೆ ಅರ್ಧಕುಂಭ, ಮಹಾಕುಂಭ ಮತ್ತು ಸಿಂಹಸ್ಥ ಸಮಯದಲ್ಲಿ ಪ್ರಾರಂಭವಾಗುತ್ತದೆ. ಸಂತ ಸಮಾಜದ ೧೩ ಅಖಾಡಗಳಲ್ಲಿ ಕೇವಲ ೭ ಅಖಾಡಗಳು ನಾಗಾಗಳನ್ನು ರೂಪಿಸುತ್ತವೆ. ಅವುಗಳೆಂದರೆ ಜುನ, ಮಹಾನಿರ್ವಾಣಿ, ನಿರಂಜನಿ, ಅಟಲ, ಅಗ್ನಿ, ಆನಂದ ಮತ್ತು ಅಭನ ಅಖಾಡ. ನಾಗಾಸಾಧು ಆಗುವ ಪ್ರಕ್ರಿಯೆ 12 ವರ್ಷ ತೆಗೆದುಕೊಳ್ಳುತ್ತದೆ. ಇದರಲ್ಲಿ 6 ವರ್ಷಗಳನ್ನು ಪ್ರಮುಖವೆಂದು ಪರಿಗಣಿಸಲಾಗುತ್ತದೆ.

ಈ ಅವಧಿಯಲ್ಲಿ, ಅವರು ನಾಗಾ ಆರಾಧನೆಗೆ ಸೇರಲು ಅಗತ್ಯವಾದ ಮಾಹಿತಿ ಪಡೆದುಕೊಳ್ಳುತ್ತಾರೆ ಮತ್ತು ಈ ಸಮಯದಲ್ಲಿ ಅವರು ಕೌಪೀನ ಹೊರತುಪಡಿಸಿ ಬೇರೇನನ್ನೂ ಧರಿಸುವುದಿಲ್ಲ. ಕುಂಭಮೇಳದಲ್ಲಿ ಪ್ರತಿಜ್ಞೆ ಮಾಡಿದ ನಂತರ, ಅವರು ಈ ಕೌಪೀನವನ್ನೂ ತ್ಯಜಿಸುತ್ತಾರೆ ಮತ್ತು ತಮ್ಮ ಜೀವನದುದ್ದಕ್ಕೂ ಬೆತ್ತಲೆಯಾಗಿರುತ್ತಾರೆ.

ನಾಗಾ ಸಾಧುಗಳಾಗುವ ಪ್ರಕ್ರಿಯೆಯಲ್ಲಿ ಮೊದಲು ಬ್ರಹ್ಮಚರ್ಯದ ಶಿಕ್ಷಣ ಪಡೆಯಬೇಕು. ಇದರಲ್ಲಿ ಯಶಸ್ವಿಯಾದ ನಂತರ, ಅವನಿಗೆ ಮಹಾಪುರುಷನ ದೀಕ್ಷೆ ನೀಡಲಾಗುತ್ತದೆ ಮತ್ತು ನಂತರ ಯಜ್ಞೆಪವೀತವನ್ನು ಮಾಡಲಾಗುತ್ತದೆ. ಇದರ ನಂತರ, ಅವರು ತಮ್ಮ ಕುಟುಂಬ ಮತ್ತು ತಮ್ಮ ಹೆಸರಿನ ತಾವೇ ಪಿಂಡದಾನ ಮಾಡುತ್ತಾರೆ. ಈ ಪ್ರಕ್ರಿಯೆಯನ್ನು ಬಿಜ್ವಾನ್ ಎಂದು ಕರೆಯಲಾಗುತ್ತದೆ. ಅಲ್ಲಿಂದ ಲೌಕಿಕ ಸಂಸಾರ ತ್ಯಾಗ ಮಾಡುತ್ತಾರೆ.
ಪ್ರಯಾಗದ ಮಹಾಕುಂಭದಲ್ಲಿ ಉಪಕ್ರಮಿಸುವವರನ್ನು ನಾಗರು, ಉಜ್ಜಯಿನಿಯಲ್ಲಿರುವವರನ್ನು ಖುನಿ ನಾಗರು, ಹರಿದ್ವಾರದಲ್ಲಿರುವವರನ್ನು ಬರ್ಫಾನಿ ನಾಗರು ಮತ್ತು ನಾಸಿಕ್‌ನಲ್ಲಿರುವವರನ್ನು ಖಿಚ್ಡಿಯಾ ನಾಗರು ಎಂದು ಕರೆಯಲಾಗುತ್ತದೆ. ನಾಗಾ ಸಾಧುಗಳು ಮಿಲಿಟರಿ ಪಂಥವಾಗಿದ್ದು, ಮಿಲಿಟರಿ ರೆಜಿಮೆಂಟ್‌ಗಳಾಗಿ ವಿಂಗಡಿಸಲಾಗಿದೆ. ಅವರು ತ್ರಿಶೂಲ, ಕತ್ತಿ, ಶಂಖ ಮತ್ತು ಚಿಲಿಮ್‌ನೊಂದಿಗೆ ತಮ್ಮ ಮಿಲಿಟರಿ ಸ್ಥಿತಿ ತೋರಿಸುತ್ತಾರೆ. ಓರಿಯಂಟಲ್ ಸ್ಟಡೀಸ್ ಸೊಸೈಟಿಯ ಪ್ರಕಾರ, ನಾಗಾ ಸನ್ಯಾಸಿಗಳ ಅನೇಕ ವಿಶೇಷ ವಿಧಿಗಳು ಅವರ ಜನನಾಂಗಗಳ ವಿಸರ್ಜನೆ ಒಳಗೊಂಡಿರುತ್ತವೆ.

ನಾಗಾಗಳ ವಾಸಸ್ಥಾನ

ಈ ನಾಗಾ ಸನ್ಯಾಸಿಗಳು ಹಿಮಾಲಯದಲ್ಲಿ ಶೂನ್ಯಕ್ಕಿಂತ ಕಡಿಮೆ ತಾಪಮಾನದಲ್ಲಿ ಬೆತ್ತಲೆಯಾಗಿ ವಾಸಿಸುತ್ತಾರೆ ಮತ್ತು ದೀರ್ಘ ದಿನಗಳವರೆಗೆ ಹಸಿವಿನಿಂದ ಇರುತ್ತಾರೆ. ಚಳಿಗಾಲ, ಬೇಸಿಗೆ ಮತ್ತು ಮಳೆಗಾಲದಲ್ಲಿ ತಪಸ್ಸು ಮಾಡುವಾಗ ಅವರು ಬೆತ್ತಲೆಯಾಗಿಯೇ ಇರಬೇಕಾಗುತ್ತದೆ. ನಾಗಾ ಸಾಧುಗಳು ಯಾವಾಗಲೂ ನೆಲದ ಮೇಲೆ ಮಲಗುತ್ತಾರೆ. ನಾಗಾ ಸನ್ಯಾಸಿಗಳು ಅಖಾಡಾದಲ್ಲಿನ ಆಶ್ರಮಗಳು ಮತ್ತು ದೇವಾಲಯಗಳಲ್ಲಿ ವಾಸಿಸುತ್ತಾರೆ. ಕೆಲವರು ಹಿಮಾಲಯದ ಗುಹೆಗಳಲ್ಲಿ ಅಥವಾ ಎತ್ತರದ ಪರ್ವತಗಳಲ್ಲಿ ತಪಸ್ಸು ಮಾಡುತ್ತಾ ತಮ್ಮ ಜೀವನ ಕಳೆಯುತ್ತಾರೆ. ಅವರು ಅಖಾಡಾದ ಆದೇಶದಂತೆ ಕಾಲ್ನಡಿಗೆಯಲ್ಲೂ ಪ್ರಯಾಣಿಸುತ್ತಾರೆ. ನಾಗಾ ಸಾಧುಗಳಿಗೆ ಯಾವುದೇ ವಿಶೇಷ ಸ್ಥಳ ಅಥವಾ ಮನೆ ಇಲ್ಲ. ಗುಡಿಸಲು ಹಾಕಿಕೊಂಡು ಜೀವನ ಕಳೆಯುತ್ತಾರೆ. ಅವರು ಮಲಗಲು ಸಹ ಯಾವುದೇ ಹಾಸಿಗೆ ಬಳಸುವುದಿಲ್ಲ. ನೆಲದ ಮೇಲೆ ಮಾತ್ರ ಮಲಗುತ್ತಾರೆ.

ನಾಗಾಸಾಧುಗಳು ದಿನಕ್ಕೆ 7 ಮನೆಗಳಲ್ಲಿ ಭಿಕ್ಷೆ ಬೇಡಬಹುದು. ಈ ಮನೆಗಳಿಂದ ಭಿಕ್ಷೆ ಪಡೆದರೆ ಪರವಾಗಿಲ್ಲ, ಇಲ್ಲದಿದ್ದರೆ ಹಸಿವಿನಿಂದ ಇರಬೇಕಾಗುತ್ತದೆ. ಅವರು ಇಡೀ ದಿನದಲ್ಲಿ ಒಮ್ಮೆ ಮಾತ್ರ ಆಹಾರ ತೆಗೆದುಕೊಳ್ಳುತ್ತಾರೆ. ದೇಹದಾದ್ಯಂತ ಭಸ್ಮದ ಪಟ್ಟೆಗಳು, ಬೃಹತ್ ಜಡೆ ಕೂದಲಿನೊಂದಿಗೆ ವಿಭಿನ್ನವಾಗಿ ಕಾಣಿಸಿಕೊಳ್ಳುವ ನಾಗಾಸಾಧುಗಳು ದೇವರ ಭಕ್ತಿಯಲ್ಲಿ ಮುಳುಗಿರುತ್ತಾರೆ. ಸಾಮಾನ್ಯವಾಗಿ ಪರ್ವತಗಳು, ಕಾಡು, ಗುಹೆ ಅಥವಾ ಪ್ರಾಚೀನ ದೇವಾಲಯಗಳಲ್ಲಿ ವಾಸಿಸುತ್ತಾರೆ. ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಬರದೇ ಇರುವ ಸ್ಥಳಗಳಲ್ಲಿಯೇ ಅವರು ನೆಲೆಸುತ್ತಾರೆ. ಬೆತ್ತಲೆಯಾಗಿಯೇ ಇರುವ ನಾನಾ ಬಾಬಾಗಳು ಹೆಚ್ಚಿನ ಸಮಯ ತಪಸ್ಸಿನಲ್ಲಿ ಮುಳುಗಿರುತ್ತಾರೆ.

ಅವರು ನಮ್ಮಂತೆ ಅನ್ನ, ಆಹಾರ ಸೇವನೆ ಮಾಡುವುದಿಲ್ಲ. ಗಡ್ಡೆ, ಗೆಣಸು, ಹಣ್ಣುಗಳೇ ಅವರ ಆಹಾರವಾಗಿರುತ್ತವೆ. ಕಾಡುಮೇಡುಗಳಲ್ಲಿ ಅಲೆಯುತ್ತಾ ಇರುತ್ತಾರೆ. ಕಾಡಿನಲ್ಲಿ ಸಿಗುವ ಗಡ್ಡೆ-ಗೆಣಸುಗಳನ್ನು ತಿನ್ನುತ್ತಾರೆ. ಭಿಕ್ಷೆ ಬೇಡಿ ಕೂಡಾ ಹೊಟ್ಟೆ ತುಂಬಿಸಿಕೊಳ್ಳುತ್ತಾರೆ. ವಿಶೇಷ ಎಂದರೆ ನಾಗಾಸಾಧುಗಳು ದೀರ್ಘಕಾಲದವರೆಗೆ ಹಸಿದುಕೊಂಡು ಇರಬಲ್ಲರು. ಅವರು ಪ್ರಪಂಚದ ಮುಂದೆ ಬರಲು ಇಷ್ಟಪಡುವುದಿಲ್ಲ. ಕಾಡಿನ ಮಾರ್ಗಗಳ ಮೂಲಕ ಕಾಲ್ನಡಿಗೆಯಲ್ಲಿ ತೆರಳುತ್ತಾರೆ ಮತ್ತು ಸಾಮಾನ್ಯವಾಗಿ ಹಗಲಿನ ಬದಲು ರಾತ್ರಿ ಪ್ರಯಾಣಿಸುತ್ತಾರೆ.
ನಾಗಾಸಾಧುಗಳು ಯಾವುದೇ ರೀತಿಯ ಆರಾಮದಾಯಕ ವಸ್ತುಗಳನ್ನು ಬಳಸುವುದಿಲ್ಲ. ನೆಲದ ಮೇಲೆ ಮಲಗುತ್ತಾರೆ. ಕಟ್ಟುನಿಟ್ಟಾದ ನಿಯಮಗಳನ್ನು ಅನುಸರಿಸುತ್ತಾರೆ. ಹೆಚ್ಚಿನ ಸಮಯವನ್ನು ದೇವರ ಪೂಜೆಯಲ್ಲಿ ಕಳೆಯುತ್ತಾರೆ. ತನ್ನ ಸಹಚರರು ಕಳುಹಿಸುವ ಸಂದೇಶಗಳನ್ನು ಸ್ವೀಕರಿಸುವಷ್ಟು ನಿಗೂಢ eನ ಅಥವಾ ಶಕ್ತಿ ಅವರಲ್ಲಿದೆ ಎಂದು ಹೇಳಲಾಗುತ್ತದೆ. ನಾಗಾಸಾಧುಗಳು ಗುಹೆಗಳಲ್ಲಿ ಧ್ಯಾನ ನಿರತರಾಗಿರುತ್ತಾರೆ ಎಂದು ಹೇಳಲಾಗಿದೆ. ವರ್ಷಕ್ಕೆ ಎರಡೋ ಮೂರೋ ಬಾರಿ ಮಾತ್ರ ತಮ್ಮ ಗುಹೆಗಳನ್ನು ಬದಲಾಯಿಸುತ್ತಾರೆ. ಕೇವಲ ೬ ವರ್ಷಕ್ಕೊಮ್ಮೆ ನಡೆಯುವ ಕುಂಭಮೇಳ ಅಥವಾ ೧೨ ವರ್ಷಕ್ಕೊಮ್ಮೆ ನಡೆಯುವ ಮಹಾಕುಂಭ ಮೇಳದ ಸಂದರ್ಭದಲ್ಲಿ ಮಾತ್ರ ಅವರು ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಾರೆ.

ಮನಸ್ಸನ್ನು ನಿಯಂತ್ರಿಸಲು ಮತ್ತು ಆರೋಗ್ಯವಾಗಿರಲು ಯೋಗ ಪರಿಹಾರವಾಗಿದೆ. ಯೋಗದ ಮೂಲಕ ಅವರು ತಮ್ಮ ದೇಹದ ಶಕ್ತಿ ಹೆಚ್ಚಿಸುತ್ತಾರೆ. ಅದಕ್ಕಾಗಿ ಅವರು ನಿರಂತರವಾಗಿ ಪ್ರಾಣಾಯಾಮ, ಆಗ್ನಿಸಾಧನ, ನಾಡಿಶೋಧನ, ಭಸ್ಮಧಾರಣ ಮಾಡುತ್ತಾರೆ.

ಮಹಿಳಾ ನಾಗಾಸಾಧುಗಳು

ಹೆಣ್ಣುಮಕ್ಕಳು ಕೂಡಾ ನಾಗಾಸಾಧುಗಳಾಗಿ ದೀಕ್ಷೆ ಪಡೆದವರು ಇರುತ್ತಾರೆ. ಹಾಗೆ ದೀಕ್ಷೆ ಪಡೆಯೋದಕ್ಕೂ ಮೊದಲು ಹೇಗಿದ್ದರೂ ಎ ನಾಗಾ ಸಾಧುಗಳಂತೆಯೇ ಅವರು ಕುಟುಂಬದ ಜೊತೆಗಿನ ಸಂಬಂಧ ಕಡಿದುಕೊಂಡಿರುತ್ತಾರೆ. ಆರರಿಂದ ೧೨ ವರ್ಷಗಳ ಕಾಲ ಕಠಿಣ ಬ್ರಹ್ಮಚರ್ಯ ಆಚರಿಸಿದ ಮೇಲೆಯೇ ನಾಗಾ ಸಾಧುವಾಗಲು ಇಚ್ಛಿಸುವ ಹೆಣ್ಣಿಗೆ ದೀಕ್ಷೆ ನೀಡಲಾಗುತ್ತದೆ.. ಅಲ್ಲದೆ, ದೀಕ್ಷೆಗೂ ಮುಂಚಿತವಾಗಿ ತಮಗೆ ತಾವೇ ಪಿಂಡ ಪ್ರದಾನ ಮಾಡಿಕೊಳ್ಳುತ್ತಾರೆ.. ಈ ಮೂಲಕ ತಮ್ಮ ಹಿಂದಿನ ಬದುಕಿನ ಜೊತೆಗಿನ ಸಂಪೂರ್ಣ ಬಂಧನ ಕಡಿದುಕೊಳ್ಳುತ್ತಾರೆ.. ಇನ್ನು ನಾಗಾ ಸಾಧ್ವಿಗಳು, ಪುರುಷ ಸಾಧುಗಳಂತೆ ಸಂಪೂರ್ಣ ಬೆತ್ತಲಾಗಿರುವುದಿಲ್ಲ. ಬದಲಿಗೆ, ತಮ್ಮ ಮೈಮುಚ್ಚುವಂತೆ ಗಂಟಿ ಎಂದು ಕರೆಯುವ ಖಾವಿ ಬಣ್ಣದ ಬಟ್ಟೆ ಹೊದ್ದುಕೊಂಡಿರುತ್ತಾರೆ. ಇನ್ನು ನಾಗಾ ಸಾಧ್ವಿಯರನ್ನು ನಾಗಾ ಮಾತಾ ಎಂದೂ ಕರೆಯುತ್ತಾರೆ. ಸಾಧನೆಯ ಸಮಯದಲ್ಲಿ ನಾಗಾ ಮಾತೆಯರು ನಾಗಾ ಸಾಧುಗಳಂತೆ, ಒಬ್ಬೊಬ್ಬರಾಗಿ ಗುಹೆಗಳಲ್ಲಿ ಪರ್ವತ ಶಿಖರಗಳಲ್ಲಿ ವಾಸಿಸುತ್ತಾರೆ. ಉಳಿದಂತೆ ತಮ್ಮ ಗುಂಪುಗಳಲ್ಲಿzಗ ಅಖಾಡಾಗಳಲ್ಲಿ ಯಜ್ಞ ಯಾಗಾದಿಗಳನ್ನು ನಡೆಸುತ್ತಾ ಕಠಿಣ ವ್ರತ ಮುಂದುವರೆಸುತ್ತಾರೆ..

ನಾಗ ಸಾಧುಗಳ ಅಂತ್ಯಕ್ರಿಯೆ

ನಾಗ ಸಾಧುಗಳ ಮರಣದ ನಂತರ ಅವರ ಅಂತ್ಯಕ್ರಿಯೆ ಹೇಗಿರುತ್ತದೆ ಎಂಬುದರ ಬಗ್ಗೆ ಅನೇಕರಿಗೆ ಇಂದಿಗೂ ತಿಳಿದಿಲ್ಲ. ಇವರ ಅಂತ್ಯಕ್ರಿಯೆ ಹೀಗೇ ಇರುತ್ತದೆ ಎಂದು ಹೇಳುವುದು ಕೂಡಾ ಕಷ್ಟ. ಕೆಲವೊಂದು ಮಾಹಿತಿಯ ಪ್ರಕಾರ, ನಾಗ ಸಾಧುಗಳು ಮರಣ ಹೊಂದಿದ ನಂತರ ಅವರ ದೇಹವನ್ನು ಬೆಂಕಿಯಲ್ಲಿ ದಹನ ಮಾಡಲಾಗುವುದಿಲ್ಲ. ನಾಗ ಸಾಧುಗಳು ಮರಣದ ನಂತರ ಅವರನ್ನು ಬೆಂಕಿಯಲ್ಲಿ ಸುಡುವುದು ಅಥವಾ ಅಗ್ನಿಸ್ಪರ್ಶದ ಮೂಲಕ ಅವರ ದೇಹವನ್ನು ನಾಶ ಮಾಡುವುದು ಪಾಪದ ಕೆಲಸವೆಂದು ಪರಿಗಣಿಸಲಾಗುತ್ತದೆ. ಒಬ್ಬ ನಾಗಾಸಾಧುವಿನ ಮರಣದ ನಂತರವೇ ಆತನ ಅಂತ್ಯಕ್ರಿಯೆ ಹೇಗೆ ಮಾಡಬೇಕೆಂಬುದು ನಿರ್ಧರಿತವಾಗುತ್ತದೆ. ಏಕೆಂದರೆ, ನಾಗಾ ಸಾಧುಗಳು ಈಗಾಗಲೇ ತಮ್ಮ ಜೀವನವನ್ನು ತಮಗೆ ತಾವೇ ಪಿಂಡದಾನ ಮಾಡಿಕೊಳ್ಳುವ ಮೂಲಕ ತೊರೆದಿರುತ್ತಾರೆ. ಅವರಿಗೆ ಭೂಮಿ ಅಥವಾ ನೀರಿನ ಮೂಲಕ ಅಂದರೆ ಭೂಮಿಯಲ್ಲಿ ಹೂಳುವ ಅಥವಾ ನೀರಿನಲ್ಲಿ ದೇಹವನ್ನು ಬಿಡುವ ಮೂಲಕ ಅಂತ್ಯಕ್ರಿಯೆಯನ್ನು ಮಾಡಲಾಗುತ್ತದೆ.

ನಾಗಾಸಾಧುಗಳಿಗೆ ಅಂತ್ಯಕ್ರಿಯೆ ಮಾಡುವ ಮೊದಲು ಅಥವಾ ಅವರಿಗೆ ಸಮಾಧಿ ನೀಡುವ ಮೊದಲು ಅವರಿಗೆ ದೈಹಿಕ ಶುದ್ಧತೆ ಮಾಡಲಾಗುತ್ತದೆ. ನಂತರ ಮಂತ್ರಗಳನ್ನು ಪಠಿಸುತ್ತಾ ಸಮಾಧಿ ಸಿದ್ಧಗೊಳಿಸಲಾಗುತ್ತದೆ. ಯಾವುದೇ ಒಬ್ಬ ನಾಗಾಸಾಧು ಮರಣ ಹೊಂದಿದಾಗ, ಅವನ ದೇಹದ ಮೇಲೆ ಬೂದಿ ಹಚ್ಚಿ, ಕೇಸರಿ ಬಣ್ಣದ ಬಟ್ಟೆಗಳನ್ನು ಹೊದಿಸಲಾಗುತ್ತದೆ. ಸಮಾಧಿ ಮಾಡಿದ ನಂತರ, ಜನರು ಆ ಸ್ಥಳವನ್ನು ಕೊಳಕು ಮಾಡದಂತೆ ಆ ಸ್ಥಳದಲ್ಲಿ ಶಾಶ್ವತವಾದ ಗುರುತು ಹಾಕಲಾಗುತ್ತದೆ. ಅವರಿಗೆ ಪೂರ್ಣ ಗೌರವ ಮತ್ತು ಕೃತಜ್ಞತೆಯಿಂದ ವಿದಾಯ ಹೇಳಲಾಗುತ್ತದೆ. ನಾಗಾ ಸಾಧುವನ್ನು ಧರ್ಮ ರPಕ ಎಂದೂ ಕರೆಯುತ್ತಾರೆ.

– ಡಾ.ಗುರುಪ್ರಸಾದ ರಾವ್ ಹವಲ್ದಾರ್