ದಿಢೀರನೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ನಿಕೊಲಸ್ ಪೂರನ್ ವಿದಾಯ

ವೆಸ್ಟ್ ಇಂಡೀಸ್ ತಂಡದ ಸ್ಫೋಟಕ ಬ್ಯಾಟ್ಸ್ ಮನ್ ನಿಕೊಲಸ್ ಪೂರನ್ ದಿಢೀರನೆ ಎಲ್ಲಾ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಘೋಷಿಸಿದ್ದಾರೆ.

ಐಪಿಎಲ್ ಮುಂತಾದ ಟಿ-20 ಕ್ರಿಕೆಟ್ ಜನಪ್ರಿಯತೆ ಹಿನ್ನೆಲೆಯಲ್ಲಿ ಇತ್ತೀಚೆಗೆ ಸ್ಫೋಟಕ ಬ್ಯಾಟ್ಸ್ ಮನ್ ಗಳು ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ನಿರೀಕ್ಷೆಗೂ ಮುನ್ನವೇ ನಿವೃತ್ತಿ ಹೇಳುತ್ತಿದ್ದರೆ. ಇತ್ತೀಚೆಗೆ ದಕ್ಷಿಣ ಆಫ್ರಿಕಾದ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಹೆನ್ರಿಕ್ ಕ್ಲಾಸೆನ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಘೋಷಿಸಿದ ಬೆನ್ನಲ್ಲೇ ಇದೀಗ ನಿಕೊಲಸ್ ಪೂರನ್ ಕೂಡ ಈ ನಿರ್ಧಾರ ಪ್ರಕಟಿಸಿರುವುದು ಅಚ್ಚರಿ ಮೂಡಿಸಿದೆ.

ಕಳೆದ 2 ವರ್ಷಗಳಲ್ಲಿ ಫ್ರಾಂಚೈಸಿ ಆಧಾರಿತ ಕ್ರಿಕೆಟ್ ಕಡೆಗೆ ಹೆಚ್ಚು ಒತ್ತು ನೀಡುತ್ತಿದ್ದು, ದೇಶವನ್ನು ಪ್ರತಿನಿಧಿಸುವ ಆಸಕ್ತಿ ಕಳೆದುಕೊಳ್ಳುತ್ತಿದ್ದಾರೆ. ಇದೀಗ ಈ ಪಟ್ಟಿಗೆ ನಿಕೊಲಸ್ ಪೂರನ್ ಕೂಡ ಸೇರ್ಪಡೆಯಾದಂತೆ ಆಗಿದೆ.

ಇನ್ ಸ್ಟಾಗ್ರಾಂನಲ್ಲಿ ನಿವೃತ್ತಿ ನಿರ್ಧಾರ ಪ್ರಕಟಿಸಿದ ನಿಕೊಲಸ್ ಪೂರನ್, ದೀಘ್ರಕಾಲ ಯೋಚನೆ ಮಾಡಿದ ನಂತರ ಎಲ್ಲಾ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಲು ನಿರ್ಧರಿಸಿದ್ದೇನೆ ಎಂದು ಹೇಳಿದ್ದಾರೆ.

“ನಾವು ಪ್ರೀತಿಸುವ ಈ ಆಟವು ಬಹಳಷ್ಟು ನೀಡಿದೆ ಮತ್ತು ನೀಡುತ್ತಲೇ ಇರುತ್ತದೆ – ಸಂತೋಷ, ಉದ್ದೇಶ, ಮರೆಯಲಾಗದ ನೆನಪುಗಳು ಮತ್ತು ವೆಸ್ಟ್ ಇಂಡೀಸ್ ಜನರನ್ನು ಪ್ರತಿನಿಧಿಸುವ ಅವಕಾಶ. ಆ ಮೆರೂನ್ ಧರಿಸಿ, ರಾಷ್ಟ್ರಗೀತೆಗಾಗಿ ಎದ್ದು ನಿಂತು, ನಾನು ಪ್ರತಿ ಬಾರಿ ಮೈದಾನಕ್ಕೆ ಕಾಲಿಟ್ಟಾಗಲೂ ನನಗೆ ಸಿಕ್ಕಿದ್ದನ್ನೆಲ್ಲಾ ನೀಡುವುದು… ಅದು ನನಗೆ ನಿಜವಾಗಿಯೂ ಅರ್ಥವನ್ನು ಪದಗಳಲ್ಲಿ ಹೇಳುವುದು ಕಷ್ಟ. ನಾಯಕನಾಗಿ ತಂಡವನ್ನು ಮುನ್ನಡೆಸಿದ್ದು ನನ್ನ ಹೃದಯಕ್ಕೆ ಹತ್ತಿರವಿರುವ ಒಂದು ಸವಲತ್ತು ಎಂದು ಅವರು ಹೇಳಿಕೊಂಡಿದ್ದಾರೆ.

“ಅಭಿಮಾನಿಗಳಿಗೆ – ನಿಮ್ಮ ಅಚಲ ಪ್ರೀತಿಗೆ ಧನ್ಯವಾದಗಳು. ನೀವು ಕಠಿಣ ಕ್ಷಣಗಳಲ್ಲಿ ನನ್ನನ್ನು ಮೇಲಕ್ಕೆತ್ತಿದ್ದೀರಿ ಮತ್ತು ಒಳ್ಳೆಯದನ್ನು ಹೋಲಿಸಲಾಗದ ಉತ್ಸಾಹದಿಂದ ಆಚರಿಸಿದ್ದೀರಿ.”

“ನನ್ನ ಕುಟುಂಬ, ಸ್ನೇಹಿತರು ಮತ್ತು ತಂಡದ ಸದಸ್ಯರಿಗೆ – ಈ ಪ್ರಯಾಣವನ್ನು ನನ್ನೊಂದಿಗೆ ನಡೆಸಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮ ನಂಬಿಕೆ ಮತ್ತು ಬೆಂಬಲವು ನನ್ನನ್ನು ಅದರ ಮೂಲಕ ಸಾಗಿಸಿತು.”

“ನನ್ನ ವೃತ್ತಿಜೀವನದ ಈ ಅಂತರರಾಷ್ಟ್ರೀಯ ಅಧ್ಯಾಯವು ಮುಗಿದರೂ, ವೆಸ್ಟ್ ಇಂಡೀಸ್ ಕ್ರಿಕೆಟ್ ಮೇಲಿನ ನನ್ನ ಪ್ರೀತಿ ಎಂದಿಗೂ ಮಸುಕಾಗುವುದಿಲ್ಲ. ತಂಡ ಮತ್ತು ಪ್ರದೇಶವು ಮುಂದಿನ ಹಾದಿಗೆ ಯಶಸ್ಸು ಮತ್ತು ಶಕ್ತಿಯನ್ನು ಮಾತ್ರ ಬಯಸುತ್ತೇನೆ.”

29 ವರ್ಷದ ಪೂರನ್ ಅಂತಾರಾಷ್ಟ್ರೀಯ ಟಿ-20ಯಲ್ಲಿ ಅತೀ ಹೆಚ್ಚು ಪಂದ್ಯವಾಡಿದ ವಿಂಡೀಸ್ ಆಟಗಾರ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ. 106 ಪಂದ್ಯಗಳಲ್ಲಿ ಪೂರನ್ 2,275 ರನ್‌ ಬಾರಿಸಿ ತಂಡದ ಪರ ಅತಿ ಹೆಚ್ಚು ಗಳಿಸಿದ ಆಟಗಾರ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.