ಜಾಗತೀಕರಣ ಪರ್ವಕ್ಕೆ ಬ್ರಿಟನ್‌ ಅಂತ್ಯ ಹಾಡುವುದೇ

ಜಾಗತೀಕರಣ ಎಲ್ಲರಿಗೂ ಸಮಾನವಾಗಿ ಫಲ ನೀಡಲಿಲ್ಲ ಎಂದು ತೀವ್ರ  ಕಳವಳ ವ್ಯಕ್ತಪಡಿಸಿರುವ ಬ್ರಿಟನ್‌ ಪ್ರಧಾನಿ  ಕೀರ್ ಸ್ಟಾರ್ಮರ್ ಜಾಗತೀಕರಣದ ಯುಗಕ್ಕೆ ಅಂತ್ಯ ಘೋಷಿಸಲು ಮುಂದಾಗಿದ್ದಾರೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ವ್ಯಾಪಾರ ಯುದ್ಧದ ಮಧ್ಯೆ,  ಅವರು ಈ ಘೋಷಣೆಯನ್ನು ಮಾಡಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಅಮೆರಿಕ ತನ್ನ ಎಲ್ಲಾ ಬ್ರಿಟಿಷ್ ರಫ್ತುಗಳ ಮೇಲೆ ೧೦% ಸುಂಕ ವಿಧಿಸಿರುವುದು ಈ ಘೋಷಣೆಗೆ ಕಾರಣವೆಂದು ವಿಶ್ಲೇಷಿಸಲಾಗಿದೆ.

ಈ ಕ್ರಮವು ಈಗಾಗಲೇ ಜಾಗತಿಕ ಆರ್ಥಿಕತೆಯ ಮೇಲೆ ದುಷ್ಪರಿಣಾಮ ಬೀರಿದ್ದು, ಬ್ರಿಟನ್ನ ಪ್ರಮುಖ ಉದ್ಯಮಗಳು ಹಿನ್ನಡೆಯಲ್ಲಿವೆ. ಉದಾಹರಣೆಗೆ, ಜಗ್ವಾರ್ ಲ್ಯಾಂಡ್ ರೋವರ್ ತಾತ್ಕಾಲಿಕವಾಗಿ ಅಮೆರಿಕಕ್ಕೆ ತನ್ನ ರಫ್ತು ಸ್ಥಗಿತಗೊಳಿಸಿದೆ. ಇದು ಹೊಸ ಆರ್ಥಿಕ ಯುಗ. ನಾವು ಇದೀಗ ಆಂತರಿಕವಾಗಿ ಬೆಳೆಯಬೇಕಾದ ಸಮಯ ಬಂದಿದೆ ಎಂದು ಸ್ಟಾರ್ಮರ್  ಭಾಷಣದಲ್ಲಿ  ಹೇಳಿದ್ದಾರೆ.

ಈ ಹೊಸ ಜಾಗತಿಕ ವ್ಯವಸ್ಥೆಗೆ ತಕ್ಕಂತೆ ನಮ್ಮ ದೇಶೀಯ ತಂತ್ರವನ್ನು ರೂಪಿಸಬೇಕು. ಅವರ ನಿರೀಕ್ಷಿತ ಯೋಜನೆಗಳಲ್ಲಿ, ವಿದ್ಯುತ್ ವಾಹನಗಳ ಉದ್ಯಮಕ್ಕೆ ಸಡಿಲ ನಿಯಮಾವಳಿ, ಉದ್ಯಮದೊಳಗಿನ ಬಲವರ್ಧನೆ ಮತ್ತು ಭಾರತ ಹಾಗೂ ಆಸ್ಟ್ರೇಲಿಯಾ ಮುಂತಾದ ರಾಷ್ಟ್ರಗಳೊಂದಿಗೆ ವ್ಯಾಪಾರ ಸಂಬಂಧ ವಿಸ್ತರಿಸುವ ವಿಷಯಗಳು ಮುಖ್ಯವಾಗಿವೆ. ನಾವು ಟ್ರಂಪ್ ಅವರ ರಕ್ಷಣಾತ್ಮಕ ನೀತಿಯ ಬಗ್ಗೆ ಅಸಮ್ಮತಿ ವ್ಯಕ್ತಪಡಿಸುತ್ತೇವೆ. ಆದರೆ ಜನರ ಆರ್ಥಿಕ ಭದ್ರತೆ ಕುರಿತಂತೆ ಇರುವ ಆತಂಕಗಳನ್ನು ನಾವು ಕೇವಲ ನಿರ್ಲಕ್ಷಿಸಬಲ್ಲುದಿಲ್ಲ ಎಂದು ಹೇಳಿದ್ದಾರೆ.

ಹಣಕಾಸು ಸಚಿವರಾದ ರೇಚಲ್ ರೀವ್ಸ್ ಸಹ ಈ ನಿಟ್ಟಿನಲ್ಲಿ ಸರ್ಕಾರವು ಹೆಚ್ಚು ಕ್ರಿಯಾಶೀಲ ಮತ್ತು ಸುಧಾರಣಾತ್ಮಕ ನಡೆ ಕೈಗೊಳ್ಳಬೇಕು ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಈ ಮಧ್ಯೆ, ಎಲನ್ ಮಸ್ಕ್ ಸೇರಿದಂತೆ ಹಲವರು ವಿಶ್ವದೊಳಗಿನ ತೆರಿಗೆ ನಿರ್ಬಂಧಗಳನ್ನು ತೆಗೆಯಬೇಕೆಂದು ಕರೆ ನೀಡಿದ್ದಾರೆ.

ಭವಿಷ್ಯದಲ್ಲಿ ಯುರೋಪ್ ಮತ್ತು ಅಮೆರಿಕ ನಡುವೆ ಮುಕ್ತ ಚಲನವಲನ ಮತ್ತು ಶೂನ್ಯ ಸುಂಕದ ವ್ಯವಸ್ಥೆ ಇರಬೇಕು ಎಂದು ಮಸ್ಕ್ ಅಭಿಪ್ರಾಯಪಟ್ಟಿದ್ದಾರೆ. ಪ್ರಧಾನಿ ಸ್ಟಾರ್ಮರ್ ಅವರ ಈ ಘೋಷಣೆ ಯುಕೆಯ ಆರ್ಥಿಕ ನೀತಿಗೆ ನೂತನ ದಿಕ್ಕು ತೋರಿಸುವ ಮಹತ್ವದ ಹೆಜ್ಜೆಯಾಗಿದ್ದು, ಜಾಗತಿಕ ವ್ಯಾಪಾರ ವೈಪರೀತ್ಯದ ಮಧ್ಯೆ ದೇಶವು ತನ್ನ ಸಹಜ ಬಲ ಮತ್ತು ಸ್ವಾವಲಂಬನೆಯನ್ನು ಉತ್ತೇಜಿಸಲು ಸಿದ್ಧವಾಗಿದೆ ಎಂಬ ಸಂದೇಶವನ್ನು ನೀಡುತ್ತಿದೆ.