ಭಾರತ-ಯಕೆ ಮುಕ್ತ ವ್ಯಾಪಾರ ಒಪ್ಪಂದದಿಂದ ಎಲೆಕ್ಟ್ರಾನಿಕ್ಸ್ ವಲಯಕ್ಕೆ ಲಾಭ: ಐಇಎಸ್‌ಎ ಅಧ್ಯಕ್ಷ ಅಶೋಕ್ ಚಂದಕ್

ಬೆಂಗಳೂರು: ಭಾರತ-ಯುಕೆ ಮುಕ್ತ ವ್ಯಾಪಾರ ಒಪ್ಪಂದದಿಂದ ಭಾರತವನ್ನು ಜಾಗತಿಕವಾಗಿ ಗುರುತಿಸಿಕೊಳ್ಳುವ ಮತ್ತು ಪ್ರಮುಖ ವಲಯಗಳಲ್ಲಿ ಗಮನಾರ್ಹ ವ್ಯಾಪಾರ ಅವಕಾಶಗಳನ್ನು ತೆರೆಯುವ ಕಾರ್ಯತಂತ್ರದ ಮೈಲಿಗಲ್ಲಾಗಿದೆ ಎಂದು ಎಸ್‌ಇಎಂಐ ಇಂಡಿಯಾ ಮತ್ತು ಐಇಎಸ್‌ಎ ಅಧ್ಯಕ್ಷ ಅಶೋಕ್ ಚಂದಕ್ ಹೇಳಿದ್ದಾರೆ.

ಭಾರತ-ಯುಕೆ ಮುಕ್ತ ವ್ಯಾಪಾರ ಒಪ್ಪಂದದಿಂದ ಎಲೆಕ್ಟ್ರಾನಿಕ್ಸ್ ಉತ್ಪನ್ನಗಳು, ಘಟಕಗಳು, ಕಚ್ಚಾ ವಸ್ತುಗಳು ಮತ್ತು ಬಂಡವಾಳ ಉಪಕರಣಗಳ ಮೇಲಿನ ಸುಂಕ ರದ್ದುಪಡಿಸುವ ಮೂಲಕ, ಇದು ಉತ್ಪಾದನಾ ವೆಚ್ಚವನ್ನು ಕಡಿಮೆ ಮಾಡುತ್ತದೆ ಮತ್ತು ‘ಭಾರತದಲ್ಲೇ ತಯಾರಿಸಿದ’ ಉತ್ಪನ್ನಗಳ ಜಾಗತಿಕ ಸ್ಪರ್ಧಾತ್ಮಕತೆ ಹೆಚ್ಚಿಸುತ್ತದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಈ ಒಪ್ಪಂದವು ಭವಿಷ್ಯದ ಮುಕ್ತ ವ್ಯಾಪಾರಗಳಿಗೆ ಹೊಸ ಮಾನದಂಡವಾಗಲಿದೆ, ಇದು ಭಾರತದಲ್ಲಿ ಸಮಾನ ಮನಸ್ಕ ಹೊಂದಾಣಿಕೆಯನ್ನು ಪ್ರತಿಬಿಂಬಿಸುತ್ತದೆ ಮತ್ತು ಎಲೆಕ್ಟ್ರಾನಿಕ್ಸ್ ನಂತಹ ಹೆಚ್ಚುತ್ತಿರುವ ತಂತ್ರಜ್ಞಾನ ವಲಯಗಳಲ್ಲಿ ಅದರ ಕಾರ್ಯತಂತ್ರ ಸ್ಥಾನವನ್ನು ಬಲಪಡಿಸುತ್ತದೆ ಎಂದರು.

ಸ್ಮಾರ್ಟ್ ಫೋನ್‌ಗಳು, ಆಪ್ಟಿಕಲ್ ಫೈಬರ್ ಕೇಬಲ್‌ಗಳು ಮತ್ತು ಇನ್ವರ್ಟರ್‌ಗಳಂತಹ ಭಾರತೀಯ ರಫ್ತು ಸಾಮಗ್ರಿಗಳಿಗೆ ಸುಂಕ-ಮುಕ್ತದೊಂದಿಗೆ, ಈ ಮುಕ್ತ ವ್ಯಾಪಾರ ಒಪ್ಪಂದವು ಯುಕೆ ಎಲೆಕ್ಟ್ರಾನಿಕ್ಸ್ ಆಮದುಗಳಲ್ಲಿ ಪ್ರಸ್ತುತ 2 ಬಿಲಿಯನ್ ಯುಎಸ್ ಡಾಲರ್ ಪಾಲನ್ನು ಅಳೆಯಲು ಸ್ಥಾನ ನೀಡುತ್ತದೆ ಮತ್ತು 2030 ರ ವೇಳೆಗೆ ಭಾರತದ ಮಹತ್ವಾಕಾಂಕ್ಷೆಯ $500 ಯು.ಎಸ್ ಬಿಲಿಯನ್ ಡಾಲರ್ ಎಲೆಕ್ಟ್ರಾನಿಕ್ಸ್ ಉದ್ಯಮದ ಗುರಿಯತ್ತ ಕಾರ್ಯಯೋಜನೆಯನ್ನು ಇಮ್ಮಡಿಗೊಳಿಸುತ್ತದೆ ಎಂದು ಅವರು ಹೇಳಿದ್ದಾರೆ.