ನೆಲಮಂಗಲದಲ್ಲಿ ಕಾರು ಲಾರಿಯಡಿ ನಜ್ಜುಗುಜ್ಜಾದ್ರೂ ಪವಾಡವೆಂಬಂತೆ ಚಾಲಕ ಪಾರು

ನೆಲಮಂಗಲದ ರಾಷ್ಟ್ರೀಯ ಹೆದ್ದಾರಿ-48ರ ಗುಂಡೇನಹಳ್ಳಿ ಬಳಿ ಸೋಮವಾರ ಬೆಳಗ್ಗೆ ನಡೆದ ಸರಣಿ ಅಪಘಾತದಲ್ಲಿ ಕಾರು ಚಾಲಕರೊಬ್ಬರು ಪವಾಡ ಸದೃಶವೆಂಬಂತೆ ಅಪಾಯದಿಂದ ಪಾರಾಗಿದ್ದಾರೆ.

ಕಾರು ಲಾರಿ ಕೆಳಗೆ ಸಿಲುಕಿ ನಜ್ಜುಗುಜ್ಜಾದರೂ ತುಮಕೂರು ಜಿಲ್ಲೆಯ ಸೇಲ್ಸ್ ಟ್ಯಾಕ್ಸ್ ಕಚೇರಿಯ ಕಾರು ಚಾಲಕನಿಗೆ ಸಣ್ಣ ಪುಟ್ಟ ಗಾಯಗಳಾಗಿದ್ದು ಬಚಾವ್‌ ಆಗಿದ್ದಾರೆ. ನೆಲಮಂಗಲ ಸಂಚಾರ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಲಾರಿಯಡಿ ಸಿಲುಕಿ ಛಿದ್ರವಾಗಿರುವ ಕಾರಿನ ಸ್ಥಿತಿ ನೋಡಿದರೆ ಕಾರಿನೊಲಗೆ ಯಾರೇ ಇದ್ದರೂ ಬದುಕುಳಿಯಲು ಸಾಧ್ಯವೇ ಇಲ್ಲ ಎಂಬಂತಿದೆ. ಹೀಗಿರುವಾಗ ಚಾಲಕ ಬದುಕಿ ಬಂದಿರುವುದೇ ವಿಸ್ಮಯ ಎಂದು ಸ್ಥಳದಲ್ಲಿದ್ದವರು ಅಪಘಾತದ ಭೀಕರತೆಯ ಬಗ್ಗೆ ಮಾತನಾಡಿಕೊಳ್ಳುತ್ತಿದ್ದರು.