ಮಹಾಶಿವರಾತ್ರಿಯಂದು ಕೊಯಂಬತ್ತೂರಿನ ಸದ್ಗುರು ಸನ್ನಿಧಿಯಲ್ಲಿ ಅಮಿತ್ ಶಾ, ಡಿಕೆ ಶಿವಕುಮಾರ್!

ಬೆಂಗಳೂರು: ಶಿವನ ರಾತ್ರಿಯಾದ ಮಹಾಶಿವರಾತ್ರಿ – ಸಮೀಪಿಸುತ್ತಿರುವಂತೆ, ಆದಿಯೋಗಿ ಮತ್ತು ಯೋಗೇಶ್ವರ ಲಿಂಗದಲ್ಲಿ ರಾತ್ರಿಯೆಲ್ಲಾ ಭಕ್ತರನ್ನು ಸ್ವೀಕರಿಸಲು ಸದ್ಗುರು ಸನ್ನಿಧಿ ಚಿಕ್ಕಬಳ್ಳಾಪುರ ಸಿದ್ಧತೆ ನಡೆಸುತ್ತಿದೆ. ಆದಿಯೋಗಿ ಮತ್ತು ಸದ್ಗುರುಗಳ ಸಾನ್ನಿಧ್ಯದಲ್ಲಿ ಈಶ ಯೋಗ ಕೇಂದ್ರ ಕೊಯಂಬತ್ತೂರಿನಲ್ಲಿ ನಡೆಯುವ ರಾತ್ರಿಯ ಆಚರಣೆಗಳನ್ನು ದೊಡ್ಡ ಪರದೆಯ ಮೂಲಕ ನೇರ ಪ್ರಸಾರ ಮಾಡಲಾಗುವುದು.

ಕೊಯಂಬತ್ತೂರಿನ ಉತ್ಸವಗಳಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಮುಖ್ಯ ಅತಿಥಿಗಳಾಗಿರುತ್ತಾರೆ. ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಇತರ ಗಣ್ಯ ಗಣಮಾನ್ಯರೊಂದಿಗೆ ಆಚರಣೆಗಳಲ್ಲಿ ಭಾಗವಹಿಸಲಿದ್ದಾರೆ.

ಫೆಬ್ರವರಿ 26 ರಂದು ಸಂಜೆ 6 ಗಂಟೆಯಿಂದ ಫೆಬ್ರವರಿ 27 ರಂದು ಬೆಳಗ್ಗೆ 6 ಗಂಟೆಯವರೆಗೆ ಈಶ ಯೋಗ ಕೇಂದ್ರ ಕೊಯಂಬತ್ತೂರಿನಲ್ಲಿ ಹಲವಾರು ಕಲಾವಿದರು ಪ್ರದರ್ಶನ ನೀಡಲಿದ್ದಾರೆ. ವಿಶ್ವದಾದ್ಯಂತ 70 ಕ್ಕೂ ಹೆಚ್ಚು ದೇಶಗಳಿಂದ ಸಾವಿರಾರು ಭಕ್ತರು ಮತ್ತು ನೂರಾರು ಸ್ವಯಂಸೇವಕರನ್ನು ಆಕರ್ಷಿಸುವ ಈ ಉತ್ಸವವು ಈಗ ವಿಶ್ವಪ್ರಸಿದ್ಧ ‘ರಾತ್ರಿಯ ಆಚರಣೆ’ಯಾಗಿ ಮಾರ್ಪಟ್ಟಿದೆ.

ಪ್ರಪಂಚದಾದ್ಯಂತ ಲಕ್ಷಾಂತರ ಜನರು 150 ಕ್ಕೂ ಹೆಚ್ಚು ಚಾನೆಲ್‌ಗಳ ಮೂಲಕ ನೇರಪ್ರಸಾರವಾಗುವ ಈಶ ಮಹಾಶಿವರಾತ್ರಿ ಆಚರಣೆಗಳನ್ನು ಆನ್‌ಲೈನ್‌ನಲ್ಲಿ ವೀಕ್ಷಿಸುತ್ತಾರೆ. ಸದ್ಗುರು ಸನ್ನಿಧಿಯಲ್ಲಿ, ಸನ್ನಿಧಿಯ ಸುತ್ತಮುತ್ತಲಿನ ಗ್ರಾಮಗಳ ಸ್ಥಳೀಯ ಸಮುದಾಯಗಳ ಸದಸ್ಯರು ಅಂಗಡಿಗಳನ್ನು ಸ್ಥಾಪಿಸಿ ಕಡಲೆಕಾಯಿ, ಜೋಳ ಮತ್ತು ಎಳೆನೀರು ಸೇರಿದಂತೆ ಸ್ಥಳೀಯವಾಗಿ ಬೆಳೆದ ಉತ್ಪನ್ನಗಳನ್ನು ಮಾರಾಟ ಮಾಡಲಿದ್ದಾರೆ.

ಸನ್ನಿಧಿಯ ಗೌಶಾಲೆಯಲ್ಲಿ ದೇಸಿ ತಳಿಯ ಜಾನುವಾರುಗಳನ್ನು ಪ್ರದರ್ಶಿಸಲಾಗುವುದು. ಆಚರಣೆಗಳಲ್ಲಿ ಪ್ರತಿದಿನ ಸಾವಿರಾರು ಜನರನ್ನು ಸದ್ಗುರು ಸನ್ನಿಧಿಗೆ ಆಕರ್ಷಿಸುವ ಅತ್ಯಂತ ಜನಪ್ರಿಯ ವಿಡಿಯೋ ಇಮೇಜಿಂಗ್ ಶೋ ಆದ ಆದಿಯೋಗಿ ದಿವ್ಯ ದರ್ಶನವೂ ಸೇರಿರುತ್ತದೆ.