ಸರ್ಕಾರಿ ಆಸ್ಪತ್ರೆ ಬದಲು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ ಆ್ಯಂಬುಲೆನ್ಸ್ ಚಾಲಕ: ಬಡ ರೋಗಿ ಕುಟುಂಬದ ರೋಧನ

ನೆಲಮಂಗಲದಲ್ಲಿ 108 ಆ್ಯಂಬುಲೆನ್ಸ್ ದುರ್ಬಳಕೆ ಮಾಡಿಕೊಂಡಿರುವ ಚಾಲಕ ಹಣದಾಸೆಗಾಗಿ ಬಡ ರೋಗಿಯನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಪರಾರಿಯಾಗಿದ್ದಾನೆ.

ಪಾಯಿಸನ್ ಕೇಸ್ ಸಂಬಂಧ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಕೃಷ್ಣಮೂರ್ತಿ (30)ಗೆ ಸ್ಥಳೀಯವಾಗಿ ಪ್ರಾಥಮಿಕ ಚಿಕಿತ್ಸೆ ನೀಡಿದ ಬಳಿಕ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಲು ವೈದ್ಯರು ಸೂಚನೆ ನೀಡಿದ್ದರು.

ವಿಕ್ಟೋರಿಯಾ ಆಸ್ಪತ್ರೆಯ ಬದಲು ಹಣದಾಸೆಗೆ ಆ್ಯಂಬುಲೆನ್ಸ್ ಚಾಲಕ ಖಾಸಗಿ ಆಸ್ಪತ್ರೆಗೆ ರೋಗಿಯನ್ನು ದಾಖಲಿಸಿ ಎಸ್ಕೇಪ್‌ ಆಗಿದ್ದಾನೆ. ಆಸ್ಪತ್ರೆಯ ವೆಚ್ಚ ಭರಿಸಲಾಗದೆ ಕುಟುಂಬಸ್ಥರು ರೋಧಿಸುವಂತಾಗಿದೆ.

ಖಾಸಗಿ ಆಸ್ಪತ್ರೆಯಲ್ಲಿ ಬಿಲ್ ಕಟ್ಟುವಂತೆ ಸಿಬ್ಬಂದಿಯಿಂದ ಒತ್ತಡ ಹೇರಿದ್ದು, ಹಣ ಇಲ್ಲ, ಸರ್ಕಾರಿ ಆಸ್ಪತ್ರೆಗೆ ಕಳಿಸಿಕೊಡಿ ಎಂದರೂ ಸಿಬ್ಬಂದಿ ಒಪ್ಪಲಿಲ್ಲ. ಚಿಕಿತ್ಸೆ ವೆಚ್ಚ 4,900 ಕಟ್ಟಿದ್ರೆ ಡಿಸ್ಚಾರ್ಜ್ ಮಾಡುವುದಾಗಿ ಆಸ್ಪತ್ರೆ ಸಿಬ್ಬಂದಿ ಒತ್ತಡ ಹೇರಿದ್ದು, ಸ್ಥಳೀಯರ ಬಳಿ ಅಳಲು ರೋಗಿ ಕುಟುಂಬಸ್ಥರು ಅಳಲು ವ್ಯಕ್ತಪಡಿಸಿದ್ದರು.

112 ಪೊಲೀಸರಿಗೆ ದೂರು ಕೊಟ್ಟ ಬಳಿಕ ಎಚ್ಚೆತ್ತ ಆಂಬುಲೆನ್ಸ್ ಚಾಲಕ ಆಸ್ಪತ್ರೆ ಬಿಲ್ ಕಟ್ಟಿ, ಅದೇ ಆಂಬುಲೆನ್ಸ್ ನಲ್ಲಿ ಬೆಂಗಳೂರಿನ ವಿಕ್ಟೋರಿಯಾಗೆ ರೋಗಿಯನ್ನು ಕರೆದೊಯ್ದಿದ್ದಾನೆ.

112 ಪೊಲೀಸ್ ವಾಹನವನ್ನೆ ಕದ್ದಿದ್ದವನಿಗೆ ಆರು ತಿಂಗಳು ಜೈಲು

ತುಮಕೂರಿನ ಗುಬ್ಬಿ ತಾಲೂಕ೯ಇನಲ್ಲಿ ಆಪತ್ಕಾಲಕ್ಕೆ ಬಂದ 112 ಪೊಲೀಸ್ ವಾಹನವನ್ನೆ ಕದ್ದಿದ್ದವನಿಗೆ ಗುಬ್ಬಿ ಸಿವಿಲ್ ಜಡ್ಜ್ ಜೆಎಂಎಫ್ ಸಿ ನ್ಯಾಯಾಲಯ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ.

ನಾರನಹಳ್ಳಿ ಗ್ರಾಮದ ಮುನಿಯ@ಮುನಿರಾಜು ಅಪರಾಧಿ. 2023 ನವೆಂಬರ್ 20 ರಂದು ರಾತ್ರಿ 9 ಗಂಟೆಗೆ 112 ಗೆ ಕರೆ ಮಾಡಿ ಮುನಿರಾಜು ದೂರು ನೀಡಿದ್ದ. 112 ವಾಹನದಲ್ಲಿ ಗುಬ್ಬಿ ಪೊಲೀಸ್ ಹೆಚ್‌ಸಿ ಸುರೇಶ್ ಹಾಗೂ 112 ಚಾಲಕ ಯೋಗೀಶ್ ಸ್ಥಳಕ್ಕೆ ಧಾವಿಸಿದ್ದರು. ಈ ವೇಳೆ ಚಾಲಕ ಯೋಗೀಶ್ ಗೆ ಹಲ್ಲೆ ಮಾಡಿ ಮುನಿರಾಜು 112 ಜೀಪ್ ಕದ್ದೊಯ್ದಿದ್ದ.

ಈ ಬಗ್ಗೆ ಸಿಎಸ್ ಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಇನ್ಸ್ಪೆಕ್ಟರ್ ಗೋಪಿನಾಥ್ ಪ್ರಕರಣದ ತನಿಖೆ ನಡೆಸಿ ನ್ಯಾಯಾಲಯಕ್ಕೆ ಚಾರ್ಜ್ ಶೀಟ್ ಸಲ್ಲಿಸಿದ್ದರು. ವಿಚಾರಣೆ ನಡೆಸಿದ ಗುಬ್ಬಿ ಸಿವಿಲ್ ಜಡ್ಜ್ ಜೆಎಂಎಫ್ ಸಿ ನ್ಯಾಯಾಲಯ 6 ತಿಂಗಳ ಸಾದಾ ಸಜೆ 2000 ದಂಡ ವಿಧಿಸಿ ತೀರ್ಪು ಪ್ರಕಟಿಸಿದೆ. ನ್ಯಾಯಾಧೀಶೆ ಮೇಧ ತೀರ್ಪು‌ ಪ್ರಕಟಿಸಿದ್ದು, ಸರ್ಕಾರಿ ಅಭಿಯೋಜಕಿ ಶೋಭಾ ವಾದ ಮಂಡಿಸಿದ್ದರು.