ಒಂದು ಕೋಟಿ ಬಾರಿ “ಗೋವಿಂದ” ಬರೆದರೆ ತಿರುಪತಿಯಲ್ಲಿ ಉಚಿತ ವಿಐಪಿ ದರ್ಶನ

25 ವರ್ಷದೊಳಗಿನ ಯುವಕರು ಒಂದು ಕೋಟಿ ಬಾರಿ “ಗೋವಿಂದ” ನಾಮ ಬರೆದರೆ, ಅವರು ಕುಟುಂಬ ಸದಸ್ಯರೊಂದಿಗೆ ತಿರುಮಲ ಶ್ರೀನಿವಾಸನ ಉಚಿತ ವಿಐಪಿ ದರ್ಶನ ಪಡೆಯಬಹುದಾಗಿದೆ.

ಯುವಜನರಲ್ಲಿ ಆಧ್ಯಾತ್ಮಿಕತೆ ಬೆಳೆಸುವ ಉದ್ದೇಶದಿಂದ ಟಿಟಿಡಿ ಈ ಕಾರ್ಯಕ್ರಮ ಹಮ್ಮಿಕೊಂಡಿದ್ದು, ಈ ಗೋವಿಂದ ಕೋಟಿ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಕೆಲವು ನಿಯಮಗಳಿವೆ. 25 ವರ್ಷದೊಳಗಿನವರಿಗೆ ಮಾತ್ರ ಈ ಅವಕಾಶವಿದೆ.

ಪ್ರತಿ ಪುಸ್ತಕದಲ್ಲಿ ಸುಮಾರು 39,600 ನಾಮಗಳು ಬರೆಯಬಹುದು. ಒಟ್ಟು 26 ಪುಸ್ತಕಗಳು ಬೇಕು. ಕರ್ನಾಟಕದ ಕೀರ್ತನ ಈ ಕಾರ್ಯಕ್ರಮ ಪೂರ್ಣಗೊಳಿಸಿದ ಮೊದಲ ವ್ಯಕ್ತಿ. ಅವರು ಮತ್ತು ಅವರ ಕುಟುಂಬ ವಿಐಪಿ ದರ್ಶನ ಪಡೆದಿದ್ದಾರೆ.

ಆಸಕ್ತರು ಗೋವಿಂದ ಕೋಟಿ ಪುಸ್ತಕಗಳು ಟಿಟಿಡಿ ಮಾಹಿತಿ ಕೇಂದ್ರ, ಪುಸ್ತಕ ಮಾರಾಟ ಕೇಂದ್ರ ಮತ್ತು ಆನ್‌ಲೈನ್‌ನಲ್ಲಿ ಪಡೆಯಬಹುದು.  ಈ ಕಾರ್ಯಕ್ರಮಕ್ಕೆ ಕನಿಷ್ಠ ಮೂರು ವರ್ಷಗಳು ಬೇಕಾಗಬಹುದು.