ನಗರ ಯೋಜನೆ ಅಧಿಕಾರಿಯ 8 ನಿವೇಶನ, 5 ಮನೆ, 19 ಎಕರೆ ಜಮೀನು, ಚಿನ್ನ, ಬೆಳ್ಳಿ , ನಗದು ಲೋಕಾಯುಕ್ತ ಜಪ್ತಿ

ನಗರಾಭಿವೃದ್ಧಿ ಇಲಾಖೆಯ ನಗರ ಯೋಜನೆ ಅಧಿಕಾರಿ ಮಾರುತಿ ಬಗಲಿಯ ಮನೆಗೆ ಲೋಕಾಯುಕ್ತ ಅಧಿಕಾರಿಗಳು ದಾಳಿ ನಡೆಸಿ ಈವರೆಗೆ 8 ನಿವೇಶನ, 5 ಮನೆ, 19 ಎಕರೆ ಜಮೀನು, ಚಿನ್ನ, ಬೆಳ್ಳಿ , ನಗದು ಜಪ್ತಿ ಮಾಡಿದ್ದಾರೆ.

ದಾಳಿಯ ವೇಳೆ ಕೋಟ್ಯಂತರ ರೂಪಾಯಿ ಮೌಲ್ಯದ ಆಸ್ತಿ ದಾಖಲೆಗಳು ಪತ್ತೆಯಾಗಿದೆ. ಈವರೆಗೆ 8 ನಿವೇಶನ, 5 ಮನೆ, 19 ಎಕರೆ ಜಮೀನಿನ ಆಸ್ತಿ ಪತ್ರಗಳನ್ನು ವಶಪಡಿಸಿಕೊಂಡಿದ್ದಾರೆ.

ರಾಜ್ಯದ ಹಲವೆಡೆ ಭ್ರಷ್ಟ ಅಧಿಕಾರಿಗಳಿಗೆ ಲೋಕಾಯುಕ್ತ ಅಧಿಕಾರಿಗಳು ಶಾಕ್ ನೀಡಿದ್ದು, ಅಪಾರ ಪ್ರಮಾಣದ ಚಿನ್ನ, ಬೆಳ್ಳಿ ಆಭರಣ ಹಾಗೂ ನಗದು ವಶಪಡಿಸಿಕೊಂಡಿದ್ದಾರೆ.