ಅನಾಮಿಕರು ಬಸ್ ಗಳ ಮೇಲೆ ಸೋಮವಾರ ರಾತ್ರಿ ಕಲ್ಲು ತೂರಾಟ ನಡೆಸಿ ದರೋಡೆಗೆ ಯತ್ನಿಸಿದ ಘಟನೆ ಕಲಬುಗರಿ ಜಿಲ್ಲೆಯ ಲಿಂಗಸೂಗುರು ತಾಲೂಕಿನ ತಾಲೂಕಿನ ಗೋಲಪಲ್ಲಿ ಬಳಿ ಜರುಗಿದೆ.

ಕಲ್ಬುರ್ಗಿ ಮಾರ್ಗದಿಂದ ಲಿಂಗಸೂಗುರು ತೆರಳುತ್ತಿದ್ದ ಸಾರಿಗೆ,ಖಾಸಗಿ ವಾಹನಗಳ ಮೇಲೆ ಕಲ್ಲು ತೂರಾಟ ನಡೆದಿದೆ.ದರೋಡೆ ನಡಸಲು ಕೃತ್ಯ ಎಸಗಿರುವ ಶಂಕೆ ವ್ಯಕ್ತವಾಗಿದೆ. ಮೂರು ಸಾರಿಗೆ ಸಂಸ್ಥೆ ಬಸ್ ಗಾಜು ಪುಡಿಯಾಗಿವೆ.

ಘಟನೆ ಕುರಿತಂತೆ ಲಿಂಗಸೂಗುರು ಬಸ್ ಡಿಪೋ ಅಧಿಕಾರಿಗಳು ಪರಿಶೀಲನೆ ನಡೆಸುತ್ತಿದ್ದಾರೆ.ಘಟನೆಯಿಂದ ಪ್ರಯಾಣಿಕರು ಆತಂಕಗೊಳ್ಳುವಂತಾಗಿದೆ.ನಿರ್ಜನ ಪ್ರದೇಶದಲ್ಲಿ ಘಟನೆ ನಡೆದಿರುವದು ಸ್ಥಳಿಯರೇ ಕೃತ್ಯ ಎಸಗಿರಬಹುದು ಎಂದು ಶಂಕಿಸಲಾಗಿದೆ.