ನಿಪ್ಪಾಣಿ : ಕಾಲೇಜನಿಂದ ಮನೆಗೆ ತೆರಳುವಾಗ ದ್ವಿಚಕ್ರ ವಾಹನ ಡಿಕ್ಕಿ ಹೊಡೆದು ವಿದ್ಯಾರ್ಥಿನಿ ಗಂಭೀರವಾಗಿ ಗಾಯಗೊಂಡಿದ್ದರು. ಚಿಕಿತ್ಸೆ ಫಲಿಸದೇ ನಿನ್ನೆ ತಡರಾತ್ರಿ ಕೊನೆಯುಸಿರೆಳಿದ್ದಾಳೆ.

ನಿಪ್ಪಾಣಿ ಬಸವನಗರ ದೀಪಾಲಿ ರಾಜು ನಾಲ್ವಡೆ (19) ಮೃತ ವಿದ್ಯಾರ್ಥಿನಿ. ದೇವಚಂದ್ ಕಾಲೇಜಿನಿಂದ ಸ್ವಗ್ರಾಮ  ಸಮೀಪದ ನಿಪ್ಪಾಣಿ-ಮುರಗೋಡ ರಸ್ತೆಯಲ್ಲಿ ಹಿಂತಿರುಗುತ್ತಿವಾಗ ಘಟನೆ ಸಂಭವಿಸಿದೆ. ತೀವ್ರ ಸ್ರಾವಗೊಂಡ ವಿದ್ಯಾರ್ಥಿನಿ ಮೃತಪಟ್ಟಿದ್ದಾಳೆ.

ವಿದ್ಯಾರ್ಥಿನಿಗೆ  ದ್ವಿಚಕ್ರ ವಾಹನ ಸವಾರ ಡಿಕ್ಕಿ ಹೊಡೆದು ತಕ್ಷಣವೇ ಪರಾರಿಯಾಗಿದ್ದಾನೆ. ಗಾಯಗೊಂಡ ದೀಪಾಲಿಯನ್ನು ಸ್ಥಳೀಯರು ಚಿಕಿತ್ಸೆಗಾಗಿ ಮಹಾತ್ಮ ಗಾಂಧಿ ಆಸ್ಪತ್ರೆಗೆ ದಾಖಲಿಸಿದ್ದರು. ಈ ವೇಳೆ ಶಹರ‌‌ ಪೊಲೀಸ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಾರಿಯಾಗಿದ್ದ ಬೈಕ್ ಸವಾರನ ಪತ್ತೆಗಾಗಿ ಬಲೆ ಬಿಸಿ ವಾಹನ ಸಮೇತ ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.